Thursday, April 12, 2007

عـــــــــــــــــــــــــــــــــــــــــــــــــــــــــــــــــــــــــــــروبــة



تمدد الفتوحات العربية ، الاخضر الغامق ايام الرسول محمد، واللون الاوسط ايام الخلفاء الراشدين، والافتح في العهد الاموي ثم العباسي

و هذا هو الوطن العربي حاليا



يعني انا مش فاهم عاوزين دليل ايه اكتر من كده ان كل البلاد دي لم تكن عربية قبل تعرضها للغزو العربي الجاي من الجزيرة العربية و متخذ الاسلام ذريعة بالظبط زي ما الاخوان المسلمين حاليا متخذين من الاسلام ذريعة عشان يوصلو للسلطة , يا جدعان احنا اتعرضنا لغزو سياسي و استيطاني و توسعي و الادهى غزو ثقافي احنا و كل البلاد الي بتسمي نفسها عربية دلوقتي , و الادهى ان عصر الفتوحات انتهى و احنا لسة متمسكين بتبعيتنا للدولة العربية
لازم كلنا نسال نفسنا ماهي العروبة ؟؟
اللغة ,, اتفرضت علينا و ياما اتكلمنا لغات كتير و عمر اللغة ما كانت اساس وحدة ده غير اننا مبنعتبرش لغويا بنتكلم عربي دلوقتي
الدين ,,الاسلام مش ملك العرب على ما اظن يعني
العرق ,, كلام فارغ طبعا كفاية اوي ان الوطن العربي المزعوم موجود في قارتين مختلفتين ناهيك عن ان الهوية الي بتقوم على العرق بتبقى هوية عنصرية
التاريخ ,,طول عمر الدول الاسلامية العربية بتتناحر من اموية لعباسية لفاطمية لسلجوكية لايوبية لمملوكية لعثمانية و كتير جدا غير دول
يعني العروبة حاليا لا تعني اي شيئ سوى الاسلام السياسي , و انا برفض الاسلام السياسي
لو كانت العروبة معناها تكامل و اتحاد اقتصادي و سياسي بين دول بتتشارك نفس المنطقة مكانش هيبقى عندي مانع ابدا , بس طبعا هيبقى من حق كل دول المنطقة تخش الاتحاد ده بما فيهم ايران و اسرائيل و تركيا
لكن المشكلة ان العروبة الحالية معناها جمع من يسمو بالعرب مجددا تحت راية الاسلام كما كان في الماضي ايام الامجاد الزائلة و رجوع عصر الفتوحات الاسلامية و الحكم الديني الطائفي لمن هم ذو قرابة لبيت الرسول مثل الاسرة الاموية او العباسية او الفاطمية او العثمانية او حتى الهاشمية و من الاخر عودتنا اكتر من الف سنة لوراء
بس كده



4 comments:

mohand said...

السلام عليكم
لنفس السبب كتبتلك
انا هعلق هنا علي جزئين مهمين قوي
اولا انت بتتهجم عل تناحر الدول الاسلامية علي السلطه لمجرد انهم من نسل اشرف الخلق سيدنا محمد صلي الله عليه وسلم
اعتقد من دراستك لعلم الاثار المصرية وتاريخ مصر الفرعوني كدراستي انا كمان
ان كل ملك كان بيحكم مصر كان لازم يكون ابن للاله امون وينسب لاشراف مصر وكان فيه تناحر بين الاسر المصريه وفي عصور كانت بتحكم مصر اسرتين في وقت واحد
ناهيك ان الاخوات كانو بيقتلو بعض علشان السلطه
طبعا انا بقول الكلام ده لان اي سلطه بيكون فيها عنف
---------------
السبب التاني انك من الواضح من المناديين بالتصالح مع اسرائيل
ونكون حبايب حبايب
ودا انا مش هعلق عليه دلوقتي
لما تكتب بوست عن الموضوع ده بالتحديد هناقشك فيه
واعتقد اننا عندنا فكره كويسه عن التاريخ نذكر بعض بيه

مهند المصري
الباحث عن الحقيقة

تــحـوتــمـــــس Thutmose said...

مهند

كالعادة انتم لا ترون الا انفسكم و تسبحون في بحور من العنجهية الزائفةو التخلف الحضاري و الكراهية

لما كانت الدول الاسلامية بتتناحر كان كل دولة عندها فقهائها الي بيقولو ان كل دولة هيا الدولة المتمسكة بصحيح الدين
و المسلمين الذين كانو يقاتلون المسلمين من كل دولة كانو يتصورون ان الاخرون كفار و لهذا وجب قتالهم

المصرين زي اي بشر في التاريخ لما كانو بيتصارعو على السلطة كان نتيجة اطماع او طموحات بشرية
و برضو الصراعات دي محصلتش كتير في التاريخ المصري القديم فقط عند نهاية او بداية الدول سواء القديمة او الوسطى او الحديثة

فالفرق ان خلافات المصريين اساسها الطموح او الطمع او او

لكن خلافات المسلمين اساسها الجنة و تطبيق صحيح الدين و تنفيذ النص المقدس

عشان كده خلافاتكم و اطماعكم و كرهكم لبعض و كرهكم للمختلفين عنكم غير منتهي لانكم مازلتم تتمسكو بنصوص ظهرت من الاف السنين و لم تعد تصلح و عمرها ما صلحت

و كل ملك لازم يكون ابن لامون .. هوا ده دراستك للتاريخ المصري

اه يا امة ضحكت من جهلها الامم

david santos said...

Thanks for you work and have a good weekend

Big Trap Boy said...

شكرا لك على هذه المدونة المتميزة

الحمد لله أني عثرت عليها لأني كنت عملت جولة قصيرة في المدونات المصرية وقرأت أشياء مخيفة فيها تطرف وجهل كبير، أنا قلت لنفسي أنه لا يعقل أن تكون هذه هي مصر

الله يعينك في نقاش من لا يفهمون معنى النقاش من البهائم والأوباش

والسلام

مدون من تونس